Вітаючы сабраных у ватыканскай Зале Паўла VI, Папа падзякаваў дабрачынным структурам і валанцёрам, якія дапамаглі ў арганізацыі абеду. “Няхай Бог благаславіць кожнага з нас, благаславіць нашы сэрцы, благаславіць нашы намеры і дапаможа нам крочыць далей”, - пажадаў ён.
Зала Друку Апостальскай Сталіцы паведаміла, што святочнае меню складалася з лазаньі, курыных нагетсаў, бульбянога пюрэ і тырамізу. Музычнае суправаджэнне забяспечыў ансамбль пампейскага марыйнага санктуарыя. На заканчэнне ўсе патрабуючыя атрымалі пакункі з традыцыйнай італьянскай пастай.
