Зварот кіраўніка Caritas Europa на тэму канфлікту ва Украіне
Ян Глінскі - Vatican News
Старшыня арганізацыі кс. Міхаэль Ландаў разам з кіраўніком Caritas Украіны Андрэем Васьковічам завяршылі трохтыднёвы візіт на ўсход краіны. Яны пабывалі на тэрыторыі, дзе размяшчаецца ўкраінская армія, - уздоўж лініі, памежнай з тэрыторыямі, захопленымі сепаратыстамі. Пабывалі ў Краматорску і навакольных мясцовасцях, дзе каталіцкія дабрачынцы забяспечваюць насельніцтва і ўнутраных мігрантаў харчаваннем, медыцынскай і псіхалагічнай дапамогай.
У заяве арганізацыі, якая аб’ядноўвае 49 еўрапейскіх каталіцкіх гуманітарных устаноў, выказваецца непакой з прычыны чарговай эскалацыі напружання: існуе “рызыка”, што канфлікт, які сёння ахоплівае звыш паўмільёна асоб на суседніх тэрыторыях, распаўсюдзіцца на значна шырэйшыя абшары. Большасць з іх – пажылыя людзі і прадстаўнікі самых неабароненых сацыяльных груп. Ім даводзіцца перажываць рэгулярныя бамбардзіроўкі і абстрэлы.
Як адзначаецца ў заяве, “гарантаванне бяспечнага і спакойнага доступу да ўсіх людзей у патрэбе з’яўляецца асноўным правілам міжнароднага гуманітарнага закону”.
