Святы Айцец прыняў Прэм’ер-міністра Славакіі
9 снежня 2019 г. Францішак прыняў на аўдыенцыі ў Ватыкане Прэм’ер-міністра Славакіі Петэра Пелегрыні. Затым палітык сустрэўся з кардыналам Дзяржсакратаром Пьетра Паралінам.
У ходзе шчырых перамоў падкрэсліваліся добрыя двухбаковыя адносіны паміж Апостальскай Сталіцай і Славакія. Выказвалася пажаданне іх умацавання ў сферы адукацыі. Звярталася ўвага на нядаўнія заканадаўчыя ініцыятывы на карысць рэлігійных супольнасцей, а таксама абмяркоўваліся тэмы, што ўяўляюць узаемны інтарэс і тычацца нацыянальных меншасцей, спрыяння рэлігійнай свабодзе, гасціннасці і сацыяльнай справядлівасці.
У святле нядаўняй Міністэрскай рады АБСЕ, якая прайшла ў Браціславе пад старшынствам Славакіі, закраналіся пытанні міжнароднага і рэгіянальнага характара, з асаблівай увагай да сітуацыі ва Украіне і Заходніх Балканах.
09 снежня 2019, 13:41
