Пошук

Vatican News
Ілюстрайыйнае фота Ілюстрайыйнае фота  (ANSA)

Святы Пасад супраць мадэрнізацыі ядзернага патэнцыялу

“Краіны, якія валодаюць ядзернай зброяй, за доўгія гады не змаглі дамовіцца аб раззбраенні. Яны нясуць адказнасць за пераадоленне гэтага тупіка”, - лічыць прадстаўнік Святога Пасаду ў ААН.

“Варта пачаць з падпісання пагаднення аб спыненні вытворчасці ядзерных матэрыялаў”, - прапанаваў арцыбіскуп Бернардзіта Ауса на Асамблеі ў Нью-Ёрку.

“Рост напружанасці ў Паўднёвай Азіі павялічвае рызыку ядзернага канфлікту”, таму “краіны з такой зброяй павінны неадкладна шукаць спосабы раззбраення”, - заклікаў іерарх. Святы Пасад рашуча асуджае як пагрозу выкарыстання ядзернай зброі, так і яе захоўванне, бо гэта спрыяе “ментальнасці страху, што тычыцца не толькі ўдзельнікаў канфлікту, але і ўсяго чалавечага роду”, - адзначыў ватыканскі дыпламат. Ён заклікаў кіраўніцтва краін з ядзернай зброяй перагледзець любыя планы па мадэрнізацыі ядзернага патэнцыялу і ратыфікаваць Дагавор аб забароне ядзерных выпрабаванняў.

Навіна ў фармаце аўдыё
21 кастрычніка 2019, 11:53