Пошук

Vatican News
Медыкі праводзяць вакцынацыю супраць эболы. Ілюстрацыйнае фота Медыкі праводзяць вакцынацыю супраць эболы. Ілюстрацыйнае фота  (AFP or licensors)

Святы Пасад дапамагае ў пераадоленні эпідэміі эболы ў Афрыцы

Прадстаўнік Святога Пасаду, кардынал Пітэр Тарксан знаходзіцца на ўсходзе Дэмакратычнай Рэспублікі Конга. Гэта візіт падтрымкі для мясцовага Касцёла ў барацьбе з эпідэміяй эболы.

Прэфект Дыкастэрыі па служэнні інтэгральнаму развіццю чалавека заявіў, што прыехаў у афрыканскую краіну, каб усім, хто змагаецца з гэтым вірусам – хворым, іх сваякам і медыцынскаму персаналу – перадаць словы падтрымкі з боку папы Францішка і канкрэтную дапамогу. Святы Пасад перадаў на барацьбу з ліхаманкай 100 тыс. еўра. “Мы павінны дапамагчы ўраду Конга пераадолець гэту медыцынскую катастрофу”, - сказаў кардынал.

Раней, 6 жніўня 2019 г., міністры аховы здароўя Конга і суседняй Руанды зацвердзілі план прыняцця сумесных мер, якія будуць рэалізаваны з сярэдзіны жніўня пры дапамозе рэгіянальнага аддзялення Сусветнай арганізацыі аховы здароўя. Паводле дадзеных уладаў правінцыі Паўночнае Ківу, у гэтым годзе ад эпідэміі памерла 1700 чалавек. Для параўнання, за цэлы 2018 г. такіх выпадкаў было 356. Другая, пасля 2014 г, хваля эпідэміі ў Заходняй Афрыцы разгарэлася ў жніўні 2018 г. і трывае дагэтуль.

Навіна ў фармаце аўдыё
09 жніўня 2019, 12:13