Vatican News
Папа падчас сустрэчы з лідэрам Мальты Папа падчас сустрэчы з лідэрам Мальты  (Vatican Media)

Францішак сустрэўся з Прэзідэнтам Мальты

21 сакавіка 2019 г. Святы Айцец Францішак прыняў на аўдыенцыі ў Ватыкане Прэзідэнта Мальты Мары-Луізу Калейра Прэка. Палітык сустрэлася таксама з кардыналам Дзяржсакратаром Пьетра Паралінам.

Падчас сардэчных перамоў былі адзначаны канструктыўныя адносіны, якія звязваюць Святы Пасад і Рэспубліку Мальта, а таксама супрацоўніцтва паміж Касцёлам і дзяржавай на карысць чалавечага прагрэсу, сацыяльнага, культурнага і духоўнага развіцця насельніцтва, асабліва моладзі, у святле свецкага ўкладу, які каталіцызм прапанаваў краіне.

Таксама былі абмеркаваны пытанні, якія ўяўляюць узаемную цікавасць, з асаблівым акцэнтам на еўраінтэграцыйныя перспектывы і сітуацыю ў Міжземнамор’і: гаворка ішла пра міграцыю, развіццё супрацоўніцтва і міжрэлігійныя зносіны.

Каталіцызм – дамінуючая і дзяржаўная рэлігія ў краіне. Католікі тут складаюць 98% насельніцтва – каля 400 тыс. чалавек. На востраве – дзве касцёльныя тэрытарыяльныя струкутры: архідыяцэзія-мітраполія Мальты і суфраганная дыяцэзія Гоца. У краіне каля тысячы святароў і ста парафій.

Навіна ў фармаце аўдыё
21 сакавіка 2019, 13:05