Пантыфік: неабходны выхаваўчы саюз паміж бацькамі і школай
У прамове Францішак заўважыў, што калі гаворка вядзецца пра выхаваўчы саюз паміж школай і сям’ёй, у першую чаргу падкрэсліваецца яго адсутнасць: “сям’я больш не цэніць працу настаўнікаў – якая часта кепска аплачваецца, – а яны адчуваюць раздражненне прысутнасцю бацькоў у школах, даходзячы да таго, што трымаюць іх на парозе ці разглядаюць як праціўнікаў”.
“Каб змяніць гэтую сітуацыю нехта павінен зрабіць першы крок наперад, перагамаючы страх перад іншым і з шчырасцю працягваючы руку. Па гэтай прычыне я заклікаю вас пастаянна развіваць і культываваць давер да школы і настаўнікаў: без іх вы рызыкуеце застацца ў самотнасці ў вашай выхаваўчай дзейнасці і быць меньш здольнымі адказваць на новыя выхаваўчыя выклікі, якія ставіць сучасная культура, грамадства, СМІ, новыя тэхналогіі. Настаўнікі, як і вы, штодзённа заняты ў выхаваўчым служэнні на карысць вашых дзяцей”, - сказаў Папа.
- дадаў ён.
Адначасова Святы Айцец падкрэсліў, што за сем’ямі павінна прызнавацца першасная роля ў выхаванні і адукацыі дзяцей і моладзі.
“Калі вы, бацькі, маеце патрэбу ў настаўніках, таксама і школа мае патрэбу ў вас, і не можа дасягнуць сваіх мэтаў без канструктыўнага дыялогу з тымі, хто мае першую адказнасць за развіццё іх вучняў. Як нагадвае адгартацыя “Amoris laetitia”, “школа не замяняе бацькоў, а дапаўняе іх. Гэта асноўны прынцып: Усе іншыя ўдзельнікі выхаваўчага працэсу дзейнічаюць як бы ад імя бацькоў, абапіраючыся на іх згоду, а ў пэўнай ступені нават на іх замову”, - сказаў Пантыфік.
Цытуючы афрыканскую прымаўку – “Каб выхаваць дзіця патрэбна цэлая вёска”, – Папа зазначыў, што выхаванне патрабуе супрацоўніцтва паміж рознымі кампанентамі выхаваўчай супольнасці. У сваю чаргу ён запэўніў бацькоў у падтрымцы з боку Каталіцкага Касцёла.
- сказаў Святы Айцец.
“Увага, з якой вы, як асацыяцыя, чуваеце над небяспекамі, што пагражаюць жыццю самых малых, няхай не перашкаджае вам глядзець з даверам на свет, умець выбіраць і ўказваць вашым дзецям лепшыя магчымасці для чалавечага, грамадзянскага і хрысціянскага росту”, - дадаў Пантыфік.
Італьянская бацькоўская асацыяцыя была заснавана ў 1968 г. на прынцыпах Канстытуцыі Італіі, Міжнароднай дэкларацыі правоў чалавека і хрысціянскай этыкі. На сённяшні дзень аб’яднанне налічвае больш за 200 аддзяленняў ва ўсіх рэгіёнах краіны.