Пошук

Папа Францішак Папа Францішак 

Стан здароўя Папы паляпшаецца

Стан здароўя Францішка, які з 29 сакавіка 2023 года знаходзіцца ў рымскай клініцы імя Агасціна Джэмэлі з прычыны рэспіраторнай інфекцыі, паляпшаецца.

Аляксандр Амяльчэня - Vatican News

Сітуацыю пракаментаваў кіраўнік Залы Друку Святога Пасада Матэа Бруні: Папа “добра адпачыў мінулай ноччу”, “клінічная карціна паступова паляпшаецца”, “планавае лячэнне працягваецца”.

Раніцай Пантыфік памаліўся ў капліцы, якая знаходзіцца ў яго бальнічнай палаце, прыняў святую Камунію, потым паснедаў, прачытаў газеты і “ўзнавіў працу”.

Раней Францішак быў пацыентам гэтай бальніцы з 4 па 14 ліпеня 2021 года – яму рабілі аперацыю па выдаленні часткі тоўстага кішачніка.
 

30 сакавіка 2023, 14:13