Пошук

Папа Францішак. Ілюстрацыйнае фота Папа Францішак. Ілюстрацыйнае фота 

Анёл Панскі на борце самалёта: бабулі і дзядулі – наша гісторыя

Падчас пералёту з Рыма ў Эдмантан Францішак прывітаў каля 80 журналістаў з 10 краін, якія суправаджалі яго на борце самалёта. Разам з імі ён памаліўся Анёл Панскі.

Аляксандр Панчанка - Vatican News

Перад малітвай Святы Айцец нагадаў, што 24 ліпеня 2022 года ў Касцёле адзначаецца Сусветны дзень бабуль, дзядуль і пажылых людзей. “Менавіта яны перадаюць гісторыю, традыцыі, звычаі і многае іншае”, - падкрэсліў Пантыфік.

Францішак заўважыў, што “сёння нам трэба вярнуцца да бабуль і дзядуль”, а моладзь павінна “пераймаць ад іх усё каштоўнае”, датыкацца да сваіх каранёў “для таго, каб чэрпаць з іх сілу, як дрэва, якое чэрпае сілу ў сваіх каранях і нясе яе ў кветках і пладах”. “Я заўсёды ўзгадваю верш Бэрнандэса: дрэва квітнее дзякуючы таму, што ў яго схавана ад нашых вачэй, у глебе – а гэта нашы продкі”, - прызнаўся Папа.

Святы Айцец узгадаў таксама пра пажылых кансэкраваных асобаў, заклікаючы маладых манахінь і манахінь размаўляць з імі, каб атрымліваць жыццёвы досвед, які дапаможа рухацца наперад. “У кожнага з нас ёсць дзядулі і бабулі; адны памерлі, іншыя жывыя. Давайце ўзгадаем пра іх сёння асаблівым чынам. Ад іх мы атрымалі многае: перш за ўсё – гісторыю”, - заклікаў Пантыфік перад тым, як прамовіць словы марыйнай малітвы.
 

25 ліпеня 2022, 09:39

“Анёл Панскі” – гэта старажытная малітва, якая прамаўляецца тройчы на працягу дня – раніцай, апоўдні і вечарам, – на ўспамін таямніцы Уцелаўлення.

Кожную нядзелю і ўрачыстасць Папа сустракаецца з вернікамі апоўдні, каб разам памаліцца яе словамі. Звычайна перад гэтым ён звяртаецца да сабраных з кароткім разважаннем, натхнёным літургічнымі чытаннямі, якія Касцёл прызначае на гэты дзень.

Мінулая марыйная малітва

Увесь кантэнт >