Святы Айцец прыбыў на Кіпр
2 снежня 2021 г. у 15.00 па кіпрскім часе самалёт A320 італьянскай авіякампаніі ITA Airways з Францішкам на борце прызямліўся ў Міжнародным аэрапорце Ларнакі.
Аляксандр Панчанка – Vatican News
Палёт Папы працягваўся каля трох гадзін. За гэтым час было пераадолена 2148 кіламетраў у паветранай прасторы Італіі, Грэцыі і Кіпра. Ля трапу самалёта Святога Айца прывітала старшыня кіпрскага парламента Аніта Дзімітрыу ў суправаджэнні Апостальскага нунцыя на Кіпры і Пасла Кіпра пры Апостальскай Сталіцы.
Па традыцыі дзеці ў народных строях уручылі Папу кветкі. Пасля кароткай афіцыйнай цырымоніі прывітання Пантыфік на аўтамабіле адправіўся ў сталіцу Кіпра, горад Нікасія, дзе ў мараніцкім катэдральным касцёле сустрэўся з мясцовай каталіцкай супольнасцю.
02 снежня 2021, 14:13
