Францішак спачувае бразільскім вернікам пасля смерці кардынала
Пантыфік скіраваў спачувальную тэлеграму ў сувязі са смерцю кардынала Эузэбіу Оскара Шэйда. Іерарх памёр 13 студзеня 2021 г. на 89-годзе жыцця ў выніку пнеўманіі, выкліканай каронавірусам.
Францішак з жалем прыняў вестку пра смерць “руплівага пастыра”, які “служыў народу Божаму з мужнасцю” як першы біскуп Сан-Жазе-дус-Кампуса і арцыбіскуп Фларыянапаліса, а затым як пастыр дыяцэзіі Сан-Себасцьян-да-Рыа-дэ-Жанэйра. Пантыфік дзякуе Усемагутнаму “за тое, што падарыў Касцёлу ў Бразіліі такога шчодрага пастыра”, і ўзносіць гарачыя малітвы аб вечным шчасці для памерлага і суцяшэнні для ўсіх, хто аплаквае страту свайго дарагога пастыра.
Са смерцю іерарха Калегія кардыналаў налічвае 227 членаў, з якіх 128 – выбаршчыкі.
14 студзеня 2021, 11:25
