Лагер уцекачоў у Афганістане. Ілюстрацыйнае фота Лагер уцекачоў у Афганістане. Ілюстрацыйнае фота 

Пантыфік прысвяціў твіт Міжнароднаму дню мігранта

Францішак звярнуў увагу на праблемы людзей, вымушаных пакідаць свае краіны. Ён прысвяціў свой твіт Міжнароднаму дню мігранта, тэмай якога ў 2020 г. ААН абрала: “Пераасэнсаванне чалавечай мабільнасці”.

“Любіць бліжняга як самога сябе азначае таксама ўзяць на сябе абавязацельства будаваць свет, дзе кожны мае доступ да дабротаў зямлі і магчымасць рэалізаваць сябе як асобу і як сям’ю, дзе асноўныя правы і годнасць гарантаваны кожнаму”, - напісаў Пантыфік у Twitter.

Мігранты сур’ёзна пакутуюць ад COVID-19 у выніку страты працы і дыскрымінацыі. Мільёны з іх аказваюцца ў цяжкім становішчы, пазбавіўшыся крыніц заробку і не маючы магчымасці вярнуцца дадому з прычыны абмежаванняў на перамяшчэнне ў сувязі з пандэміяй. У гэты цяжкі перыяд мігранты могуць стаць ахвярамі гандлю людзьмі і эксплуатацыі, - адзначае ААН.

Пандэмія не можа выкарыстоўвацца ў якасці падставы для адмены абавязацельстваў па заахвочванні і абароне правоў мігрантаў незалежна ад іх прававога статусу. Яна не можа служыць апраўданнем шырокага прыняцця мер па затрыманні мігрантаў і прымусоваму вяртанню іх у краіны паходжання без выканання належнай прававой працэдуры, часта ў парушэнне нормаў міжнароднага права, - гаворыцца на сайце Арганізацыі.

Людзі, якія знаходзяцца ў руху, спадзяюцца на больш светлую будучыню. Наша калектыўная адказнасць складаецца ў тым, каб стварыць больш бяспечны, больш жыццеўстойлівыя свет. Міграцыя не павінна быць вымушаным крокам. У кожнага чалавека павінен быць выбар. У Міжнародны дзень мігранта давайце пацвердзім нашу прыхільнасць бяспечнай і годнай міграцыі для ўсіх, - заклікае Арганізацыя Аб’яднаных Нацый.
 

18 снежня 2020, 11:43