Святы Айцец занепакоены напружанасцю ва ўсходнім Міжземнамор’і
Падчас сустрэчы з вернікамі на малітве “Анёл Панскі”, якая 30 жніўня 2020 г. прайшла ў Ватыкане, Пантыфік заклікаў да мірнага вырашэня напружанасці паміж Грэцыяй і Турцыяй.
Францішак заўважыў, што з заклапочанасцю сочыць “за напружанасцю ва ўсходнім Міжземнамор’і, ахопленым шматлікімі ачагамі нестабільнасці”.
“Заклікаю да канструктыўнага дыялогу і павагі да міжнароднага права для вырашэння канфліктаў, якія пагражаюць міру народаў у гэтым рэгіёне”, - сказаў Святы Айцец.
30 жніўня 2020, 13:10