Пантыфік моліцца за ахвяр вайны ў Сірыі і эпідэміі ў Кітаі
Папа заклікаў вернікаў маліцца за ахвяр вайны ў Сірыі і эпідэміі каранавіруса ў Кітаі. Адмысловы зварот ён зрабіў на заканчэнне агульнай аўдыенцыі, якая 12 лютага 2020 г. прайшла ў Ватыкане.
“Я хацеў бы, каб у гэты момант усе памаліліся за дарагую і спакутаваную Сірыю. Шматлікія сем’і, пажылыя людзі, дзеці вымушаны ўцякаць ад вайны. Сірыя сыходзіць крывёю ўжо шмат гадоў. Памолімся за Сірыю”, - сказаў Святы Айцец.
Францішак таксама заклікаў да малітвы “за нашых кітайскіх братоў, якія пакутуюць ад гэтай бязлітаснай хваробы”, каб “як мага хутчэй знайшлі шлях да аздараўлення”.
12 лютага 2020, 12:23
