Яслі Божага Нараджэння. Ілюстрацыйнае фота Яслі Божага Нараджэння. Ілюстрацыйнае фота 

Папа анансаваў пасланне аб значэнні ясляў Божага Нараджэння

27 лістапада 2019 г. падчас агульнай аўдыенцыі Папа абвясціў аб сваім намеры наведаць італьянскі горад Грэча і абнародаваць спецыяльнае пасланне, прысвечанае значэнню ясляў Божага Нараджэння.

“У бліжэйшую нядзелю распачнецца літургічны перыяд Адвэнту. Я накіруюся ў Грэча, каб памаліцца на месцы першых ясляў, якія зрабіў св. Францішак Асізскі, і скіраваць да ўсяго вернага народа ліст, закліканы дапамагчы ў разуменні значэння святочных ясляў. Жадаю ўсім вам, каб Адвэнт, чаканне Збаўцы, напоўніў ваша сэрца надзеяй і сустрэў вас у радасным служэнні тым, хто знаходзіцца ў найбольшай патрэбе”, - сказаў Пантыфік.

Грэча знаходзіцца ў італьянскім рэгіёне Лацыё, прыкладна ў 100 км ад Рыма. У вігілію Божага Нараджэння 1223 г. св. Францішак Асізскі зрабіў тут першыя ў гісторыі святочныя яслі.

Навіна ў фармаце аўдыё
27 лістапада 2019, 12:13