Cerca

Vatican News
Кардынал Сэрафім Фэрнандэс дэ Араужу Кардынал Сэрафім Фэрнандэс дэ Араужу 

Пантыфік моліцца за памерлага бразільскага кардынала

Святы Айцец моліцца аб вечным супакоі для кардынала Сэрафіма Фэрнандэса дэ Араужу, арцыбіскупа-эмерыта Бэлу-Арызонці ў Бразіліі. Іерарх памёр 8 кастрычніка 2019 г. у 95-гадовым узросце.

У спачувальнай тэлеграме, скіраванай на імя арцыбіскупа Вальмора Аліўеры Дэ Азэвэды, старшыні Канферэнцыі Біскупаў Бразіліі, Папа выказаў блізкасць у малітве з роднымі памерлага і вернікамі краіны. Даручаючы Божай міласэрнасці “дарагога кардынала”, Францішак прыгадаў, яго руплівае служэнне каталіцкай супольнасці, а таксама “місійны запал”, з якім памерлы “дапамагаў узрастанню ў сэрцах вернікаў любові да Езуса Хрыста і Яго Касцёла”.

Кардынал Сэрафін Фэрнандзіс дзі Араужу нарадзіўся ў 1924 г. у Бразіліі. Прэзбітэрскае пасвячэнне атрымаў у 1949 г. у Рыме. Абараніў доктарскія дысертацыі па тэалогіі і кананічным праве ў Папскім грыгарыянскім універсітэце. Займаўся душпастырскай і выкладчыцкай дзейнасцю на радзіме. У 1959 г. быў прызначаны дапаможным біскупам Бэлу-Арызонці, а ў 1986 г. прыняў кіраўніцтва гэтай архідыяцэзіяй. З 1960 па 1981 г. быў рэктарам Каталіцкага ўніверсітэта ў Мінас-Новас. Кардынальскую годнасць атрымаў 21 лютага 1998 г.

Пасля смерці дзі Араужу Калегія кардыналаў складаецца з 224 іерархаў, з якіх 127 маюць права голасу падчас выбараў Пантыфіка.

Навіна ў фармаце аўдыё
10 кастрычніка 2019, 09:18