Cerca

Vatican News
Францішак прыняў на аўдыенцыі Прэзідэнта Сербіі Францішак прыняў на аўдыенцыі Прэзідэнта Сербіі  (Vatican Media)

Францішак прыняў на аўдыенцыі Прэзідэнта Сербіі

12 верасня 2019 г. Францішак прыняў на аўдыенцыі ў Ватыкане Прэзідэнта Сербіі Аляксандра Вучыча.

Ян Мойсік - Ватыкан

Пасля сустрэчы з Пантыфікам адбылася размова палітыка з кардыналам Дзяржсакратаром Пьетрам Паралінам, якога суправаджаў арцыбіскуп Пол Рычард Галахер, сакратар па адносінах Апостальскай Сталіцы з дзяржавамі.

У спецыяльным камюніке Залы Друку Апостальскай Сталіцы паведамляецца, што ў “ходзе шчырых і адкрытых перамоў было выказана задавальненне з добрых адносін паміж Апостальскай Сталіцай і Сербіяй, а таксама прызнанне таго ўкладу, які каталіцкая супольнасць уносіць у спрыянне дабру краіны, асабліва на сацыяльным узроўні".
Удзельнікі сустрэчы абмяняліся поглядамі на сітуацыю ў гэтай краіне і крокі, якія ўздымаюцца на дарозе да еўрапейскай інтэграцыі. Таксама былі закрануты тэмы, якія маюць узаемны інтарэс. Гаворка ішла пра важнасць падтрымкі плённага супрацоўніцтва паміж народамі ў служэнні міру, ды станоўчую ролю, якую рэлігіі могуць адыграць у працэсе прымірэння, гаворыцца ў спецыяльным камюніке Ватыкана.

Аляксандр Вучыч з’яўляецца другім кіраўнік Сербіі, якога прыняў Францішак - першым быў папярэдні прэзідэнт Томіслаў Нікаліч, які наведаў Святога Айца амаль роўна чатыры гады таму, 11 верасня 2015 г.
 

Навіна ў фармаце аўдыё
13 верасня 2019, 09:22