Пошук

Vatican News
Папа падчас агульнай аўдыенцыі Папа падчас агульнай аўдыенцыі  (ANSA)

Святы Айцец: 280 катэхез падчас агульных аўдыенцый за 6 гадоў

7 жніўня 2019 г., пасля летняга перапынку, Францішак аднавіў штотыднёвыя сустрэчы з вернікамі на агульнай аўдыенцыі. Ён прамовіў 280-ю катэхезу, улічваючы суботнія аўдыенцыі ў Год Міласэрнасці.

Аўдыенцыі ўяўляюць сабой важныя сустрэчы, якія, разам з разважаннямі перад малітвай “Анёл Панскі”, гаміліямі ў Доме св. Марты, а таксама ўрачыстасцямі літургічнага году ўтвараюць духоўнае сэрца папскага вучэння. На іх прыязджаюць людзі з усяго свету, і не толькі католікі. Яны даюць Пантыфіку магчымасць падзяліцца простай, але глыбокай рэфлексіяй на тэму хрысціянскай веры. Выбраныя дагэтуль тэмы ўказваюць на шлях Касцёла апошніх гадоў. З 2013 г. было 12 цыклаў катэхез, акрамя аўдыенцый, прысвечаных пэўным тэмам, такім як Адвэнт, Божае Нараджэнне, Вялікі пост і Вялікдзень. У чэрвені пачаўся 13-ы цыкл.

Францішак пачаў з катэхез, звязаных з Годам веры, прапанаваных яшчэ Бэнэдыктам XVI, спыніўшыся на разважанні над Сімвалам веры. На гэта ён вылучыў 25 сустрэч. Астатнія 12 цыклаў катэхез былі прысвечаны сакрамэнтам (9), дарам Святога Духа (7), Касцёлу (15), сям’і (36), міласэрнасці (49), хрысціянскай надзеі (38), св. Імшы (15) ), хросту (6), канфірмацыі (3), запаведзям (17), малітве “Ойча наш” (16) і Дзеям Апосталаў (да гэтага часу 4).

Францішак прамаўляе катэхезу падчас агульнай аўдыенцыі
Францішак прамаўляе катэхезу падчас агульнай аўдыенцыі

Агульныя аўдыенцыі таксама з’яўляюцца магчымасцю для Папы кіраваць так званыя заклікі. За шэсць гадоў пантыфікату Францішка іх было каля 120. Праз іх Папа звяртаецца да ўсяго чалавецтва. Шмат тычыліся міру ў розных частках свету і хрысціян, якія пакутуюць ад пераследу і дыскрымінацыі. Яны гучалі ў сувязі з стыхійнымі бедствамі, эпідэміямі і аварыямі, тычыліся мігрантаў, бедных, беспрацоўных або людзей, якія пакутуюць ад дэградацыі навакольнага асяроддзя.

Францішак таксама аддае шмат месца павазе да жыцця. Асаблівы зварот тычыўся драматычных абставін жыцця і смерці Вінцэнта Ламберта і Алфі Эванса, якіх Папа згадаў па імені, што стала, як і дагэтуль, выключэннем у гісторыі папскіх прамоў на гэтую тэму. Варта таксама адзначыць сустрэчу з сястрой Марыяй Эсу, 85-гадовай місіянеркай і акушэркай у Афрыцы, якая дапамагала пры нараджэнні тысяч дзяцей. Францішак асабіста прадставіў яе падчас агульнай аўдыенцыі, дзякуючы ад імя ўсяго Касцёла ёй і ўсім місіянерам, якія сціпла ахвяруюць сваім жыццём ва ўсіх частках свету.

Навіна ў фармаце аўдыё
07 жніўня 2019, 13:39