Францішак скіраваў зварот з нагоды 50-годдзя высадкі на Месяц
“50 гадоў таму, нібыта ўчора, чалавек ступіў на Месяц, споўніўшы надзвычайную мару. Няхай упамін пра гэты вялікі крок для чалавецтва запаліць жаданне разам ісці наперад да яшчэ большых мэтаў: большай годнасці для слабых, большай справядлівасці паміж народамі, большай будучыні для нашага супольнага дому”, - сказаў Папа.
20 ліпеня 1969 г. у 20.17 па сярэднееўрапейскім часе ў рамках амерыканскай касмічнай місіі “Апалон-11” адбылася першая ў гісторыі чалавецтва высадка на Месяц. Праз некалькі гадзін капітан карабля, Ніл Армстранг, выйшаў з месячнага модуля і ступіў на паверхню натуральнага спадарожніка Зямлі. Гэта адбылося 21 ліпеня ў 02.56. Праз пятнаццаць хвілін да яго далучыўся другі астранаўт – Эдвін Олдрын. Трэці член касмічнай місіі – Майкл Колінз, чакаў іх на калямесяцавай арбіце.