Cerca

Vatican News
Ілюстрацыйнае фота Ілюстрацыйнае фота 

Папа атрымаў віншаванні ад бліжэйшых супрацоўнікаў

Шостую гадавіну абрання на Пасад св. Пятра, якая адзначаецца 13 сакавіка 2019 г., Францішак праводзіць на духоўных практыкаваннях, у коле сваіх самых блізкіх супрацоўнікаў.

Раніцай удзельнікі рэкалекцыі сабраліся ў капліцы “Дома Боскага Настаўніка” ў Арычы на св. Імшу, якую цэлебраваў Папа. Перад літургіяй ад імя ўсіх сабраных да Святога Айца з віншаваннямі звярнуўся кардынал Джавані Батыста Рэ, віцэ-дэкан Калегіі кардыналаў.

“Ваша Святасць, бяручы голас ад імя ўсіх прысутных, я хацеў бы сказаць, што мы ўсе напоўнены радасцю, таму што можам цэлебраваць сёння раніцай св. Імшу разам з Вамі. Я хацеў бы сказаць, што мы молімся да Пана, каб быў для Вас святлом, падтрымкай і суцяшэннем ў Вашым заданні ўмацавання братоў у веры, быцця фундаментам еднасці і ўказання ўсім шляху, які вядзе да Неба”, - сказаў італьянскі іерарх.

Велікапосныя духоўныя практыкаванні для Папы і супрацоўнікаў Рымскай курыі праходзяць 10-15 сакавіка ў рэкалекцыйным цэнтры ў некалькіх дзесятках кіламетраў ад Рыма. Іх праводзіць 50-гадовы настаяцель бэнэдыктынскага абацтва Сан-Мініята-Аль-Монтэ ў Фларэнцыі, айцец Бэрнарда Франчэска Марыя Джані.

Рэпартаж з рэкалекцый Святога Айца
Навіна ў фармаце аўдыё
13 сакавіка 2019, 09:33