Папа падчас аўдыенцыі для прэзідэнта "Microsoft" Брэда Сміта Папа падчас аўдыенцыі для прэзідэнта "Microsoft" Брэда Сміта 

Францішак прыняў на аўдыенцыі прэзідэнта “Microsoft”

Францішак прыняў на прыватнай аўдыенцыі прэзідэнта карпарацыі “Microsoft” Брэда Сміта. Яго суправаджаў арцыбіскуп Вінчэнца Палья, старшыня Папскай акадэміі жыцця.

Сустрэча прайшла 13 лютага 2019 г. у ватыканскім Доме св. Марты. Брэд Сміт пазнаёміў Папу з некаторымі ініцыятывамі, звязанымі з выкарыстаннем штучнага інтэлекту на службе агульнаму дабру і пераадолення “лічбавай няроўнасці”, якая працягвае існаваць на глабальным узроўні.

Святому Айцу быў прадстаўлены праект супрацоўніцтва паміж “Microsoft” і Папскай акадэміяй жыцця, плёнам якога стане сумесная міжнародная прэмія за пашырэнне этыкі ў галіне штучнага інтэлекту, паведаміў выконваючы абавязкі кіраўніка Залы Друку Апостальскай Сталіцы Алесандра Джызоці.

Варта нагадаць, што ў 2020 г. у Ватыкане плануецца канферэнцыя, прысвечаная штучнаму інтэлекту, якую рыхтуе Папская акадэмія жыцця. Сёлета, напрыканцы лютага, гэта ватыканская структура, правядзе семінар на тэму: “Робаэтыка: асобы, машыны, здароўе”.

Францішае не першы раз сустракаецца з сусветнымі лідэрамі ў сферы ІТ-тэхналогій. Раней ён прымаў у Ватыкане кіраўніка “Google” Эрыка Шміта, кіраўніка “Apple” Цімаці Кука, кіраўніка “Instagram” Кевіна Сістрома, кіраўніка “Facebook” Марка Цукенберга.

Навіна ў фармаце аўдыё
14 лютага 2019, 08:48