Распачаўся першы ў гісторыі візіт Папы на Аравійскі паўвостраў
3 лютага 2019 г. вечарам Францішак прыбыў з трохдзённым візітам у Аб’яднаныя Арабскія Эміраты. Яго галоўная мэта – удзел у міжрэлігійнай сустрэчы на тэму чалавечага братэрства.
Гэта першы візіт лідара Каталіцкага Касцёла ў гэту краіну і ў цэлым на Аравійскі паўвостраў. У аэрапорце Абу-Дабі Пантыфіка прывітаў спадчыннік прастола, прынц Мухамед бэн Заід Аль Нахаян. Там прысутнічаў таксама Вялікі імам Аль-Азхар у Каіры, шэйх Ахмед Эль Таеб, адзін з галоўных арганізатараў міжрэлігійнай сустрэчы.
04 лютага 2019, 11:50
