Францішак завяршыў падарожжа ў Панаму
Пантыфік завяршыў падарожжа ў Панаму, якое праходзіла 22-28 студзеня 2019 г. з нагоды ХХХIV Сусветных дзён моладзі. “Папскі” самалёт прызямліцца ў Рыме каля апоўдня па сярэднееўрапейскім часе.
Перад адлётам у панамскім аэрапорце “Такумэн” адбылася кароткая цырымонія развітання з Францішкам, на якой прысутнічаў Прэзідэнт Панамы Хуан Карлас Варэла Радрыгес з жонкай, прадстаўнікі дзяржаўных уладаў, члены мясцовага епіскапату і каля 1,5 тыс. вернікаў.
Падчас пералёту самалёт са Святым Айцом на борце за 11 гадзін 35 хвілін пераадолее шлях у 9500 км. Ён праляціць над тэрыторыяй Панамы, Калумбіі, Кюрасаа, Дамініканскай Рэспублікі, Пуэрта-Рыка, ЗША, Партугаліі, Іспаніі, Францыі і Італіі.
28 студзеня 2019, 08:55
