Папа: патрэбна больш сур’ёзная падрыхтоўка да сужэнства
Сустрэча прайшла вечарам 27 верасня 2018 г. у рымскай базыліцы св. Яна на Латэране. У ёй прынялі ўдзел каля 850 чалавек – святары, пастаянныя дыяканы, сужонкі і свецкія вернікі з Рымскай дыяцэзіі і Рымскай касцёльнай правінцыі, якія задзейнічаны ў душпастырстве сем’яў.
Святы Айцец нагадаў, што ў сваёй Апостальскай адгартацыі “Amoris laetitia” ён падкрэсліваў важнасць сур’ёзнай падрыхтоўкі да сужэнства, якая “не павінна зводзіцца да некалькіх сустрэч”.
- сказаў ён.
Пантыфік высока ацаніў ініцыятывы для маладых сужонкаў, якія існуюць у розных дыяцэзіях свету і прадугледжваюць адпаведныя семінары, малітоўныя сустрэчы і кантакты з псіхолагам.
“Вельмі часта галоўную прычыну праблем, якія ўзнікаюць пасля цэлебрацыі сакрамэнту сужэнства, трэба шукаць не толькі ў схаванай і глыбокай нясталасці, што праяўляецца раптоўна, але, у першую чаргу, у слабасці хрысціянскай веры і недахопе ў касцёльным суправаджэнні, у самотнасці, у якой звычайна пакідаюцца маладыя пасля заключэння сужэнства”, - сказаў Папа.
- дадаў ён.
Паводле Францішка, сур’ёзная і паглыбленая падрыхтоўка да сужэнства дапаможа маладажонам развіць у сябе “антыцелы” для пераадолення непазбежных цяжкасцей сужэнскага і сямейнага жыцця. Але гэтага, паводле яго, яшчэ не дастаткова.
“Больш эфектыўная душпастырская дапамогай рэалізуецца там, дзе суправаджэнне не завяршаецца з цэлебрацыяй сакрамэнту сужэнства, але доўжыцца прынамсі першыя гады сужэнскага жыцця. Дзякуючы размовам з кожнай канкрэтнай парай, а таксама сустрэчам у супольнасці, можна дапамагчы маладым атрымаць інструменты і падтрымку для жыцця іх пакліканнем. А гэта не можа адбыцца іншым шляхам, як праз узрастанне ў веры саміх сужэнскіх пар”, - зазначыў Папа.
Гаворачы пра сужонкаў, якія перажываюць цяжкія праблемы ў адносінах і знаходзяцца ў крызісе, Францішак падкрэсліў, што ім трэба дапамагчы зноў распаліць веру і адкрыць ласку сакрамэнту, а ў некаторых выпадках – якія павінны аналізавацца з шчырасцю і ўнутранай свабодай, – даваць ім належныя ўказанні для распачацця працэсу прызнання несапраўднасці сужэнства.
- сказаў Папа.
“У сувязі з гэтым, нормы новага сужэнскага працэсу з’яўляюцца каштоўнай прыладай, якой павінны, канкрэтна і ў роўнай ступені, карыстацца ўсе, на кожным касцёльным узроўні, бо іх галоўная мэта гэта “salus animarum”! Я быў рады даведацца, што многія біскупы і судовыя вікарыі неадкладна прынялі і ажыццявілі новыя нормы сужэнскага працэсу, каб несці суцяшэнне сумленню, асабліва самых слабых і далёкіх ад нашых касцёльных супольнасцей”, - сцвердзіў Пантыфік.
На заканчэнне сустрэчы Папа звярнуў увагу на важнасць дапамогі маладым парам, якія жывуць разам без шлюба, адкрываючы перад імі прыгажосць сужэнства.
