Пошук

Арцыбіскуп Мечыслаў Макшыцкі Арцыбіскуп Мечыслаў Макшыцкі 

Мітрапаліт Львоўскі ўдзячны Папу за гуманітарны візіт элемазінарыя

Важная не толькі матэрыяльная падтрымка, але перш за ўсё прысутнасць сярод украінцаў, якія пакутуюць ад вайны, - сказаў арцыбіскуп Мечыслаў Макшыцкі, дзякуючы Папу за чарговую місію Апостальскага элемазінарыя.

Аляксандр Панчанка - Vatican News

Старшыня рыма-каталіцкага епіскапату Украіны падкрэсліў, што дзякуючы візіту кардынала Конрада Краеўскага, людзі адчулі блізкасць і пяшчоту Святога Айца. Ён нагадаў, што дзякуючы гуманітарнай дапамозе з Ватыкана многія патрабуючыя атрымалі электрагенератары, тэрмавопратку і лекі.

“Я вельмі рады, што Святы Айцец Францішак у чарговы, ужо ў пяты раз, прыслаў свайго пасланніка кардынала Конрада Краеўскага сюды, ва Ўкраіну, - сказаў арцыбіскуп-мітрапаліт Львоўскі ў каментары для Vatican News. – Я чуў, як Святы Айцец запісаў яму на мабільны тэлефон словы ўдзячнасці і падзякі за знаходжанне ва Украіне, сярод нас. Кардынал не толькі прынёс матэрыяльную дапамогу, што вельмі важна, але перш за ўсё ён сустрэўся са святарамі, сустрэўся з вернікамі, з вайскоўцамі і прынёс гэту іскру надзеі, якая ўмацоўвае, умацоўвае дух нашага ўкраінскага народа, каб ён не спыняўся на сваім шляху, каб ён адстойваў свае правы, свабоду, мір. Наведваючы Львоў, Кіеў і іншыя гарады, кардынал наблізіў Святога Айца да нашага Касцёла ва Украіне і перадаў добрую навіну пра тое, што Папа памятае пра нас і клапоціцца пра нас. Ён перадаў гэта ўсім, каго сустракаў на сваім шляху”.
 

30 снежня 2022, 08:41