Францішак падзякаваў Богу за новую благаслаўлёную
10 снежня 2022 года, падчас сустрэчы з вернікамі на плошчы святога Пятра, Святы Айцец падзякаваў Богу за новую благаслаўлёную, якую атрымаў Касцёл.
Аляксандр Амяльчэня - Vatican News
“Учора ў Барбасэне ў Бразіліі была беатыфікавана Ізабэль Крысціна Мрад Кампас. Гэтая маладая жанчына была забіта ў 1982 годзе ва ўзросце дваццаці гадоў з нянавісці да веры, за тое, што яна абараняла сваю жаночую годнасць і каштоўнасць цнатлівасці. Няхай яе гераічны прыклад заахвоціць у першую чаргу моладзь да шчодрага сведчання веры і евангельскай прыхільнасці”, - звярнуўся да вернікаў Францішак.
Дэкрэт аб прызнанні Ізабэль Крысціны мучаніцай Папа ўхваліў 27 кастрычніка 2020 года. Гэта адкрыла шлях да яе беатыфікацыі. Парэшткі новай благаслаўлёнай спачываюць у парафіі Маці Божай Пабожнай у Барбасэне.
11 снежня 2022, 13:00
