Vatican News
Ілюстрацыйнае фота Ілюстрацыйнае фота 

Адказ Папы бразільскім святарам па пытанні вылучэння біскупаў

Францішак адказаў на ліст групы бразільскіх святароў, якія скардзіліся на адсутнасць належных кансультацый па пытанні прызначэння новых біскупаў.

У сваім лісце ад 19 чэрвеня 2020 г. 88 прадстаўнікоў духавенства, у тым ліку пяць біскупаў, папрасілі змяніць паводзіны нунцыятуры, якая, на іх думку, недастаткова кансультуецца з рэгіянальнымі і нацыянальнай Канферэнцыямі Біскупаў адносна вылучэння кандыдатаў.

Таксама падпісанты лічаць, што існуе горшае стаўленне да чарнаскурых семінарыстаў. Яны звярнулі ўвагу і на тое, што ў краіне, дзе пражывае 110 млн афра-бразільцаў, невялікая колькасць чарнаскурых біскупаў, што, на іх думку, не адпавядае адсотку афра-бразільцаў у грамадстве і сярод духавенства.

Папа адказаў рукапісным лістом ад 9 верасня 2020 г., у якім двойчы падзякаваў за тое, што святары напісалі яму, уздымаючы гэта важнае пытанне. Ён запэўніў, што будзе размаўляць з прэфектам Кангрэгацыі па справах біскупаў, кардыналам Маркам Уэле і новым Апостальскім нунцыем у Бразіліі, арцыбіскупам Джамбатыста Дзікватра, які пачне сваю працу ў бліжэйшыя тыдні.
 

15 верасня 2020, 13:37