Кардыналы заклікаюць да салідарнасці з мігрантамі
Кардыналы Жан-Клод Олерыш, старшыня Камісіі Біскупскіх Канферэнцый Еўрапейскай Супольнасці, кардынал Майкл Чэрны, падсакратар Дыкастэрыі па служэнні інтэгральнаму развіццю чалавека, і кардынал Конрад Краеўскі, Апостальскі элемазінарый, скіравалі ліст да ўсіх епіскапатаў Еўрапейскага Саюза.
Іерархі заклікалі Канферэнцыі Біскупаў у супрацоўніцтве з адпаведнымі дзяржаўнымі ўладамі сваіх краін забяспечыць гуманітарныя калідоры для мігрантаў і бежанцаў, якія знаходзяцца ў лагерах часовага прыёму ў Грэцыі.
Да звароту кардыналы далучылі спецыяльную інструкцыю, у якой падрабязна апісваюцца працэдуры, неабходныя для перамяшчэння асоб, што просяць прытулку, і бежанцаў з Грэцыі ў іншыя еўрапейскія краіны. Адзначаецца, што ў вылучэнні патэнцыйных адрасатаў праекта епіскапатам будзе дапамагаць дабрачынная Супольнасць св. Эгідзія.