Значны рост колькасці пілігрымаў на Шляху св. Якуба
Наступным годам, калі ў Сант’яга-дэ-Кампастэла можна будзе атрымаць юбілейны адпуст, стане 2021-ы.
Як сказалі ў Службе па справах пілігрымаў, што дзейнічае ў мэрыі Сант’яга-дэ-Кампастэла, значны ўзрост лічбы вандроўнікаў на Шляху св. Якуба ў сёлетнім чэрвені можна растлумачыць павелічэннем колькасці новых паломніцкіх маршрутаў.
Па дадзеных мясцовай архідыяцэзіі, у апошнія гады расце колькасць пілігрымаў-замежнікаў. Іх ужо больш за 60%. У чэрвені 2019 г., акрамя іспанцаў, самымі частымі пілігрымамі былі немцы і амерыканцы – па 4200 асоб, і італьянцы – звыш 3600.
Санктуарый у Сант’яга-дэ-Кампастэла і магіла св. Якуба, якая у ім знаходзіцца, з сярэднявечча застаюцца гістарычным цэнтрам пілігрымак з усіх куткоў Іспаніі, Еўропы і ўсяго свету. У 2010 г. сюды прыязджаў з Апостальскім візітам Бэнэдыкт XVI, які падкрэсліў, што менавіта “шляхі пілігрымаў сфарміравалі хрысціянскае аблічча Іспаніі і ўсяго кантынента”.
Каміна-дэ-Сант’яга – Шлях св. Якуба, самы папулярны пілігрымкавы маршрут праз Еўропу ў іспанскі гарадок да магілы Апостала. Існуе каля 15 розных варыянтаў Шляху, але самых папулярных чатыры: Французскі (800 км праз Пірэнеі і па цэнтральнай Іспаніі), Прымітыва (315 км, найстарэйшы і самы складаны маршрут з Ов’еда), Паўночны шлях (860 км па паўночным узбярэжжы Іспаніі) і Партугальскі (400 км з Лісабона або 240 км з Порту ўздоўж акіяна).
