Cerca

Vatican News
Кардынал Пьетра Паралін Кардынал Пьетра Паралін 

Кардынал Дзяржсакратар пра экуменізм св. Мікалая

Постаць св. Мікалая нагадвае, што сапраўдны шлях дыялогу паміж Цэрквамі заўсёды праходзіць праз пакорны пошук дабра і выгады іншага, перакананы кардынал Пьетра Паралін.

6 снежня 2018 г. Дзяржсакратар Яго Святасці Папы наведаў Бары, дзе ўзначаліў Эўхарыстыю з нагоды літургічнага ўспаміна св. Мікалая – нябеснага апекуна мясцовага Касцёла. Менавіта ў гэтым італьянскім горадзе захоўваюцца рэліквіі біскупа Міры.

Спасылаючыся на ліпеньскую сустрэчу Францішка з прадстацелямі Цэркваў з Блізкага Усходу, якая праходзіла ў Бары, іерарх нагадаў, што постаць св. Мікалая мае велізарнае экуменічнае значэнне.

“У Бары прыбываюць шматлікія пілігрымы з усяго свету, таму экуменізм св. Мікалая з’яўляецца не толькі экуменізмам прадстаяцелей Цэркваў, але таксама ўсяго хрысціянскага народу. Было бы цудоўна, каб так было і далей”, - заўважыў высокі ватыканскі іерарх.

“Я думаю мы павінны змяніць погляд на тых, хто адрозніваецца ад нас. Трэба бачыць у іх не пагрозу, як, нажаль, вельмі часта здараецца, але багацце, якое можа нам па-сапраўднаму дапамагчы ўзрастаць і падтрымліваць адзін аднаго”, - дадаў кардынал.

Кіраўнік ватыканскай дыпламатыі пажадаў, каб праз заступніцтва св. Мікалая ўмацоўвалася еднасць, у якой увесь свет мае вялікую патрэбу. “Ён заклікае быць адкрытымі на ўсіх, жыць вымярэннем адкрытасці, паважаючы адметнасці і робячы з іх нагоду для ўзаемнага ўзбагачэння”, - сказаў бліжэйшы супрацоўнік Папы.


 

07 снежня 2018, 13:49