Cerca

Vatican News
Рэстаўраваная Капліца Турынскай Плашчаніцы Рэстаўраваная Капліца Турынскай Плашчаніцы  (ANSA)

Пасля 20 гадоў рэстаўрацыі адчынена капліца Турынскай Плашчаніцы

27 верасня 2018 г., пасля 20 гадоў рэстаўрацыі адчыніла дзверы капліца Турынскай Плашчаніцы. У ноч з 11 на 12 красавіка 1997 г. пажар знішчыў твор Гварына Гварыні амаль цалкам.

Прылеглая да архікатэдры Турына, барочная пабудова, архітэктарам якой быў Гварына Гварыні, з 1694 г. служыла сховішчам ільняной тканіны, якая нясе на сабе вобраз Укрыжаванага.

У ноч з 11 на 12 красавіка 1997 г. пажар знішчыў капліцу амаль цалкам. Аднак аднаму з пажарных удалося звычайнай кувалдай разбіць куленепрабівальнае шкло. Спазніся ён на хвіліну, і Плашчаніцу не атрымалася б выратаваць. Цудоўная тканіна з тых часоў захоўвалася ў запоўненым інертным газам ахоўным кантэйнеры ў бакавой капліцы сабора.

Да паўторнага адкрыцця капліцы Музей Плашчаніцы праводзіць выставу арыгіналаў першых фатаграфій палатна. Дзякуючы фотапласцінкам, датаваным 1898 г., стала магчымым ператварыць цьмяны негатыўны вобраз на Плашчаніцы ў выразнае аблічча Хрыста.

У мэтах належнага захавання і бяспекі, Турынскую Плашчаніцу памерам 4,27 на 1,11 метры рэдка паказваюць у арыгінале. Наступная публічная выстава запланавана на 2025-ы Святы юбілейны год.

У пятніцу і суботу ў Турыне пройдзе закрытая канферэнцыя для спецыялістаў, прысвечаная хрысціянскай рэліквіі і месцу яе захавання.

Навіна ў фармаце аўдыё
27 верасня 2018, 14:40