ሊቀ ጳጳስ ጋላገር፡- ርዕሰ ሊቃነ ጳጳሳት አሁንም ቤተክርስቲያንን እና የሰው ልጆችን እያገለገሉ ነው

የዚህ ዝግጅት አቅራቢ መብራቱ ኃ/ጊዮርጊስ-ቫቲካን

ሊቀ ጳጳስ ጋልገር የርዕሰ ሊቃነ ጳጳሳት የጤና ሁኔታ ይሻሻል ዘንድ እግዚአብሕእርን ለመማጸን ታስቦ በተደረገው መስዋዕተ ቅዳሴ ላይ ባደረጉት ስብከት ሕዝቡ “ለእርሳቸው ያለውን ቅርበት እና የጤንነት ሁኔታቸው ይሻሻል ዘንድ አብዝተው ወደ እግዚአብሔር በመጸለያቸው የተነሳ ርዕሠ ሊቃነ ጳጳሳት ፍራንችስኮስ ያላቸውን አድናቆት ገልጸዋል፣ ለዚህም አመስግነዋል ብለዋል።

ርዕሰ ሊቃነ ጳጳሳት የኢየሱሳዊያን ማኅበር አባል መሆናቸው ይታወቃል፣ በመሆኑም ይህ መስዋዕተ ቅዳሴ የተካሄደው በሮም ከተማ ውስጥ በሚገኘው በኢየሱሳዊያን ማሕበር መኖሪያ ቤት በሚገኘው ቤተክርስቲያን ውስጥ ሲሆን የተካሄደውም መጋቢት 11/2017 ዓ.ም እንደ ነበረም ተገልጿል፣ መስዋዕተ ቅዳሴውን የመሩት ደግሞ ቫቲካን ከተለያዩ አገራት እና አለም አቀፍ ድርጅቶች ጋር የምታደርገውን ግንኙነት በበላይነት የሚቆታጠረው የቅድስት መንበር ጽ/ቤት ዋና ጸኃፊ በሆኑት በሊቀ ጳጳስ ፖል ሪቻርድ ጋላገር እንደ ነበረም ተገልጿል።  

በቅድስት መንበር በርካታ አምባሳደሮች ለርዕሰ ሊቃነ ጳጳሳት ጤና እና ቀጣይነት ያለው የሁለትዮሽ የሳንባ ምች በሽታ እንዲያገግሙ በማሰብ የተደርገውን የጸሎት ፕሮግራም ሊቀ ጳጳስ ፖል ሪቻርድ ጋላጋር ተቀላቅለዋል።

ሊቀ ጳጳስ ጋላገር በስብከታቸው ትኩረት የሰጡት ጉዳይ "በተወጋው በኢየሱስ ልብ" በኩል ከእግዚአብሔር "ያለማቋረጥ በሚፈስሰው" እና የእኛን ምላሽ በሚፈልግ መለኮታዊ ፍቅር ላይ የእግዚአብሔር ፍቅር "በመከራችን፣ በኃጢአታችን እና በምሕረት ጥራት" ውስጥ ይገናኛል ብለዋል።

“የዐብይ ጾም አስፈላጊ ወቅት ነው” በማለት ሊቀ ጳጳሱ አበክረው ገልጸው፣ “ይህን የሕይወት መንገዳችንን ለማጥለቅ አመቺ ጊዜ ነው፣” ይህም በእግዚአብሔር እንድንወደድ ራሳችንን እንድንፈቅድ የሚጠይቅ በመሆኑ መንፈሳዊ ዳግም መወለድ “ለአዲስ ቦታዎችና አዲስ የተስፋ፣ የነፃነት እና የሰላም አድማሶች” ይከፍታል ብለዋል።

ከሕይወት ወደ ሞት የመሸጋገር አደጋ

በሌላ በኩል ሊቀ ጳጳስ ጋልገር እንዳሉት በሕይወት ላይ ከማተኮር ይልቅ በሞት ላይ የማተኮር አደጋ ያጋጥመናል።

“የእኛ ጊዜ የከፉው ስጋት ከጊዜ ወደ ጊዜ ጉልህ እየሆነ ሲመጣ ይመሰክራል፣ እና አንዳንድ ጊዜ ጨለማ ብርሃንን ያሸንፋል” ብሏል። "ሰማዕት በሆነችው ዩክሬን፣ በፍልስጥኤም፣ በእስራኤል፣ በሊባኖስ፣ በምያንማር፣ በሱዳን፣ በዲሞክራቲክ ሪፐብሊክ ኮንጎ እና በሌሎች የግጭት ቦታዎች ውስጥ በአሳዛኝ ይህንን እውነታ አይተነዋል" ያሉት ሊቀ ጳጳስ ፖል ጋላገር ሆኖም መንፈሳዊ ዳግመኛ መወለድ መሰናክሎች ባይኖሩንም ወደ መጋጠሚያ መንገድ ሊመራን ይችላል ሲሉ አክለው ገልጸዋል።

ሊቀ ጳጳስ ጋልገር “በየደረጃው ያለውን የጠማማ አመክንዮ የጥላቻ፣ የአባገነን አገዛዝ እና የጦርነት አመክንዮ በመቀበል የሞት ባህልን ያለማቋረጥ የሚመግቡ እንዳሉ ማወቅ የሚያሳዝን ነገር ነው፤ በዚህ መንገድ ዓለም በጎሳና በሥልጣን፣ በባሕልና በሃይማኖቶች መካከል ግጭቶች የሚፈጠሩባት የቲያትር ሥፍራ ሆናለች ሲሉ አክለው ገልጸዋል።

በጋራ ጥቅም አገልግሎት ላይ ዲፕሎማሲ

ክርስቲያኖች ይልቁንም የፍቅር፣ የፍትህ እና የሰላም እሴቶችን እንዲያስፋፉ ተጠርተዋል ሲሉ ተናግሯል።

ሊቀ ጳጳስ ጋላገር “ሰዎች በአንድ ጠረጴዛ ዙሪያ ተቀምጠው በአእምሮ እና በህሊና ኃይል ላይ እምነት የሚጥሉበት፣ የሰው ልጅ ክብር የማይገለጽ ዋጋ ያለው አድማስ ስላላቸው እነዚያ ጊዜያትና ቦታዎች የተባረኩ ናቸው!” ሲሉ አስምረውበታል።

ዓለማችን “ከጎስቋላ ሰብዓዊ ፍላጎቶች የራቀ፣ ለጋራ ጥቅም በነፃነት ለመሥራት፣ ለፍትሕና ለሰላም ዋና ዋና ጉዳዮች በጋራ ተባብሮ ለመሥራት የሚያስችል የዲፕሎማሲ ዓይነት ያስፈልጋታል” ብለዋል።

ሊቀ ጳጳስ ጋላገር የሰው ልጅ የተፈጠረው በዋንታዊ ግንኙነቶች ለመደሰት ስለሆነ፣ የመገናኘትን አመክንዮ ለመቀበል የጳጳሱን ብዙ ግብዣዎች አስታውሰዋል።

ራስ ወዳድነት ለሌሎች “በረከት” እንዳንሆን የሚከለክለው ጉዳይ ይሆናል "ለሌሎች ህይወትን በሚያመጣ፣ ለማዳን እጁን በሚዘረጋ እና በምትኩ ሞትን በሚያመጣ እና ሌላውን ለመትረፍየሚችሉትን አስፈላጊ የሆኑ እርዳታ በሚነፍግ መካከል ትልቅ ልዩነት አለ" ብሏል።

የህሊና ድምጽ በጸሎት እውቅና

ሊቀ ጳጳስ ጋላገር የቅድስት መንበር አምባሳደሮችን ስያሳስቧቸው ምርጫዎቻችንን ለመምራት እና እነርሱን ለመፈጸም እንዲረዳን የሰው ልጅ “ከፍ ያለ ብርሃን” እንደሚያስፈልገው ገልጸዋል።

ይህ ተግባራዊ ሊሆን የሚችለው “በትክክል በፀሎት ነው፣ እሱም ደግሞ በዝምታ በሚደረግ ጸሎት” ሲሉ ተናግሯል፣ “የህሊናን ድምጽ መስማት መማር አለብን፣ ይህም የዘፈቀደ ፍርድ ሳይሆን የጌታ ድምፅ በአእምሮ እና በልብ መቅደስ ውስጥ የሚሰማውን ማለቴ ነው ብለዋል።

“ለሰው ልጅ ክብር ሲሉ የታገሉት፣ ከአምባገነኖች፣ ከጭቆና አገዛዝ እና ኢፍትሃዊ ድርጊቶች ጋር ሲታገሉ የቆዩት—ሁልጊዜ የክርስትና እምነት ወይም ሃይማኖታዊ የሆነ እምነት ባይኖራቸውም እንኳ፣ “ትክክለኛውን መንገድ የሚያመለክት ከፍተኛ ድምፅ በሕሊና ሥም የሚፈጸም መሆኑን በመገንዘብ” ሊከናወን ይችላል ብሏል።

ሊቀ ጳጳስ ጋላገር ዲፕሎማቶችን በመጋበዝ በተለይም በዚህ የዐብይ ጾም ወቅት “ወደ ልባቸው ጸጥታ ገብተው ወደዚህ ውስጣዊ የኅሊና ማደሪያ እንዲገቡ” በመጋበዝ ራሳችንን ለጸጥታ መስጠት እንችል ዘንድ ለድንግል ማርያም አደራ በመስጠት ስብከታቸውን አጠናቀዋል።