ር.ሊ.ጳ ፍራንቸስኮስ ለስደተኞች ቀውስ ተገቢውን ምላሽ አለመስጠታችን በራሱ አሳፋሪ ነገር ነው አሉ!

ርዕሰ ሊቃነ ጳጳሳት ፍራንቸሶስ ዘወትር ረቡዕ እለት በቫቲካን በሚገኘው የጳውሎስ 6ኛ የስብሰባ ዳራሽ ሆነው የጠቅላላ የትምህርተ ክርስቶስ አስትምህሮ እንደ ሚይደርጉ የሚታወቅ ሲሆን በዚህ መሰረት ቅዱስነታቸው በታኅሳስ 20/2014 ዓ.ም ያደረጉት የጠቅላላ የትምህርተ ክርስቶስ አስተምህሮ ከዚህ ቀደም በቅዱስ ዮሴፍ ሕይወት ዙሪያ ላይ ሲያደርጉት የነበረው አስተምህሮ ቀጣይ ክፍል እንደ ነበረ የተገለጸ ሲሆን ለስደተኞች ቀውስ ተገቢውን ምላሽ አለመስጠታችን በራሱ አሳፋሪ ነገር ነው ማለታቸው ተገልጿል።

የዚህ ዝግጅት አቅራቢ መብራቱ ኃ/ጊዮርጊስ ቫቲካን

ክቡራን እና ክቡራት የዝግጅቶቻችን ተከታታዮች ርዕሰ ሊቃነ ጳጳሳት ፍራንቸስኮስ በወቅቱ ያደረጉትን የጠቅላላ የትምህርተ ክርስቶስ አስተምህሮ ሙሉ ይዘቱን እንደ ሚከተለው አሰናድተነዋል፣ ተከታተሉን።

ዛሬ ስደተኛ እና ብርቱ ስለሆነው ቅዱስ ዮሴፍ የሚመለክት አስተምህሮ ላቀርብላችሁ እወዳለሁ። ወንጌላዊው ማቴዎስም እንዲህ ገልጾታል። በኢየሱስ ሕይወት ውስጥ ያለው ልዩ ክስተት፣ እሱም ዮሴፍንና ማርያምን የሚያካትት፣ በትውፊት “ወደ ግብፅ የሚደረገው ስደት” በመባል ይታወቃል (ማቴ. 2፡13-23)። የናዝሬት ቤተሰብ እንደዚህ ዓይነት ውርደት ደርሶባቸዋል እናም ከትውልድ አገራቸው የመውጣት ስጋት፣ ፍርሃት እና ስቃይ ገጥሟቸዋል። ዛሬም ብዙ ወንድሞቻችንና እህቶቻችን ተመሳሳይ ግፍና መከራ እንዲደርስባቸው ተገድደዋል። መንስኤው ሁል ጊዜ የኃያላን እብሪተኝነት እና አመጽ ነው። የኢየሱስም ሁኔታ ይህ ነበር።

ንጉሥ ሄሮድስ “የአይሁድ ንጉሥ” መወለዱን ከጠቢባኑ ሰዎች ተረዳ፣ ዜናውም አስደነገጠው። ኃይሉ ስጋት ላይ እንደወደቀ ይሰማዋል። ስለዚህም የትውልድ ቦታውን ለማወቅ የኢየሩሳሌምን ባለ ሥልጣናት ሁሉ ሰብስቦ ሕታኑ የተወለደበትን ትክክለኛ ስፍራ እንዲነግሩት ላካቸው - እርሱም ሄዶ ለሕጻኑ እንደ ሚሰግድ በመናገር ውሸት ተናግሯል። ነገር ግን ጠቢባኑ በሌላ አቅጣጫ መሄዳቸውን ሲያውቅ በቤተልሔም ያሉትን ከሁለት ዓመት በታች ያሉትን ሕጻናት ሁሉ ለመግደል ክፉ ዕቅድ አዘጋጀ።

እስከዚያው ድረስ አንድ መልአክ ዮሴፍን “ተነሥተህ ሕፃኑንና እናቱን ይዘህ ወደ ግብፅ ሽሽ እስክነግርህም ድረስ በዚያ ተቀመጥ” ብሎ አዘዘው። ሄሮድስ ሕፃኑን ሊገድል ይፈልጋልና አለው” (ማቴ 2፡13)። የሄሮድስ እቅድ ፈርዖን የእስራኤልን ሕዝብ ወንድ ልጆች ሁሉ ወደ አባይ ወንዝ የመወርወሩን ሁኔታ ያስታውሳል (ዘጸ. 1፡22)፣ እናም ወደ ግብፅ መሸሽ የእስራኤልን ታሪክ በሙሉ የቀሰቀሰው፣ እሱም እዚያ ከቆየው ከአብርሃም (ዘፍ 12፡10)፣ የያዕቆብ ልጅ የሆነው ዮሴፍ “የምድሪቷ ገዥ” ከመሆኑ በፊት በወንድሞቹ  እንደ ተሸጠ (ዘፍ. 37፡36) (ዘፍ. 41፡37-57) እነዚህን ሁኔታዎች ያስታውሰናል (ዘፍ. 41፡37-57)፤ እና ሕዝቡን ከግብፃውያን ባርነት ነፃ ስላወጣው ስለ ሙሴ (ዘጸ. 1፡18) ጭምር ያስታውሰናል።

የቅዱሳን ቤተሰብ ወደ ግብፅ መሸሹ ኢየሱስን አዳነ ፣ ግን በሚያሳዝን ሁኔታ ሄሮድስ ጭፍጨፋውን ከመፈፀም አላገደውም። ስለዚህም ሁለት ተቃራኒ ስብዕናዎች አጋጥመውናል፡ በአንድ በኩል፣ ሄሮድስ ጭካኔውን የሚያሳይ ሲሆን፣ በሌላ በኩል፣ የዮሴፍን ጥንቃቄ እና ድፍረት ያሳየናል። ሄሮድስ በሚስቱ ፣በአንዳንድ ልጆቹ እና በመቶዎች የሚቆጠሩ ተቃዋሚዎች መገደል እንደተረጋገጠው ስልጣኑን በጭካኔ መከላከል ይፈልጋል። እሱ የብዙ አምባገነኖች ተምሳሌት ነው፣ እና ዛሬ እሱ ለሌሎች ሰዎች "ተኩላ" የሚሆን ሰው ነው። በፍርሃታቸው ርኅራኄ እየኖሩ፣ ሥልጣንን በጉልበት በማሳየትና ኢ-ሰብዓዊ የሆነ ግፍና በደል እየፈጸሙ እነርሱን ለማሸነፍ የሚጥሩ ሰዎች ታሪክ ብዙ ነው። እኛ ግን እንደ ሄሮድስ አመለካከት የምንኖረው አምባገነን ከሆንን ብቻ ነው ብለን ማሰብ የለብንም። እንደውም ፍርሃታችንን በትዕቢት ለመቀልበስ በሞከርን ቁጥር ሁላችንም የምንወድቅበት አመለካከት ነው፣ ምንም እንኳን በቃል ብቻም ሆነ ከትንንሽ ትንኮሳዎች የተውጣጡ የቅርብ ወገኖቻችንን ለሞት ቢዳርግም።

ዮሴፍ የሄሮድስ ተቃራኒ ነው፡ በመጀመሪያ እርሱ “ጻድቅ ሰው” ነው (ማቴ 1፡19)። በተጨማሪም፣ የመልአኩን ትእዛዝ በመከተል ደፋር መሆኑን ያሳያል። በረዥሙ እና አደገኛ ጉዞው ወቅት ያጋጠሙትን ውጣ ውረዶች እና በባዕድ ሀገር የመቆየት ችግር ያለበትን መገመት ይቻላል። ድፍረቱም በተመለሰበት ቅጽበት ብቅ አለ፣ በመልአኩ ተረጋግቶ፣ ለመረዳት የሚቻለውን ፍርሃቱን አሸንፎ ከማርያም እና ከኢየሱስ ጋር በናዝሬት መኖር (ማቴ. 2፡19-23) ጀመረ። ሄሮድስ እና ዮሴፍ እንደ ቀድሞው የሰውን ልጅ ፊት የሚያንፀባርቁ ሁለት ተቃራኒ ገፀ-ባህሪያት ናቸው። ድፍረትን የጀግና ብቸኛ በጎነት አድርጎ መቁጠር የተለመደ የተሳሳተ አስተሳሰብ ነው። እንደ እውነቱ ከሆነ የእያንዳንዱ ሰው የዕለት ተዕለት ኑሮ በየቀኑ የሚያጋጥሙትን ችግሮች ለመቋቋም ድፍረትን ይጠይቃል። በሁሉም ጊዜያት እና ባህሎች፣ ከእምነታቸው ጋር ወጥነት ያለው ለመሆን፣ ሁሉንም አይነት ችግሮች ያሸነፉ፣ እና ኢፍትሃዊነትን፣ ኩነኔን አልፎ ተርፎም ሞትን የተቀበሉ ደፋር ወንዶች እና ሴቶች እናገኛለን። ድፍረት ከጠንካራነት ጋር ተመሳሳይ ነው፣ እሱም ከፍትህ፣ ከጥንቃቄ እና ራስን ከመግዛት ጋር "ታላቅ" በመባል የሚታወቀው የሰዎች በጎነት ቡድን አካል ነው።

ዛሬ ዮሴፍ የሚያስተምረን ትምህርት የሚከተለው ነው፡- ህይወት ሁል ጊዜ በመከራዎች የተሞላችን ናት፣ በነሱ ፊት ደግሞ ዛቻና ፍርሃት ሊሰማን ይችላል፣ ነገር ግን ሄሮድስ እንዳደረገው በራሳችን ላይ መጥፎውን በማምጣት አይደለም። አንዳንድ ጊዜዎችን ማሸነፍ እንችላለን፣ ይልቁንም እንደ ዮሴፍ በመምሰል፣ ለፍርሃት በድፍረት በእግዚአብሔር መሰጠት ለመታመን ምላሽ ይሰጣል። ዛሬ ለሰደተኞች፣ ለሚሰደዱ እና የአስከፊ ሁኔታዎች ሰለባ ለሆኑት፣ እናም ተስፋ ለሚቆርጡ እና ችላ ለተባሉ ሰዎች ሁሉ እንጸልይ።

ቅዱስ ዮሴፍ ሆይ

የስደት ልምድ ስላለህ ስቃይን፣ ጦርነትን፣ ጥላቻን እና ረሃብን ሸሽተው ሕይወታቸውን ለማዳን የሚሰደዱ አንተን የሚወዱ ሰዎችን ሁል ጠብቅ።

በችግራቸው ውስጥ ደግፋቸው፣

በተስፋ እንዲጓዙ አበረታታቸው፣ በሚስደደዱበት አገር መልካም አቀባብል እና ትብብር እንዲደረጋቸው አበርታቸው።

አካሄዳቸውን ምራ እና ሊረዷቸው የሚችሉትን ሰዎች ልብ ክፈት። አሜን።